Mwimbaji wa Pop toka Canada, Justin Bieber amekumbwa na msala baada ya jirani yake kumripoti polisi akidai kuwa mwimbaji huyo alirusha mayai nyumbani kwake wakati yeye(jirani) na binti yake walikuwa kwenye balcony.
Msemaji wa polisi wa Los Angeles, Steve Whitmore amesema kuwa polisi walienda kuchukua video ya tukio hilo Alhamisi asubuhi, na kwamba Justin Bieber ndiye aliyetajwa kama mtuhumiwa na tukio hilo linaendelea kufanyiwa uchunguzi.
Hata hivyo mwimbaji huyo wa ‘Beauty and Beat’ hataruhusiwa kuzungumza chochote kwa maafisa wa Polisi kuhusu tuhuma hizo hadi pale hatua zaidi zitakapochukuliwa na huenda akafikishwa mahakamani.
Hii sio mara ya kwanza kwa Bieber kuzinguana na majirani zake wa Calabasas, California. Kwa muda mrefu hasa mwaka jana amekuwa akishtumiwa kwa kuendesha gari lake kwa fujo katika eneo la ujirani huo, kupiga muziki kwa sauti ya juu sana usiku wa manane
Kutoka Timesfm
0 maoni:
Post a Comment