MWERA AMAZING

WANANCHI ELFU KUMI KUTEMBELEA MSITU WA SHENGENA

ASASI ya Kiraia ya Mohispac Foundation kwa kushirikia na uongozi wa mkoa wa Kilimanjaro inatarajia kuandaa matembezi makubwa yenye lengo la kuhifadhi mazingira na kuokoa  msitu wa Shengena na vyanzo vya maji  vilivyopo katika msitu huo.

Akizungumza na waandishi wa habari jijini Dar es Salaam jana, Mkurugenzi mtendaji wa taasisi hiyo, Mchungaji Nziacharo Makenya, alisema matembezi hayo yanayotarajiwa kufanyika Julai 15 mwaka huu yataanzia Mpinji kuelekea Mamba Miamba.

Alisema matembezi hayo yanakusudiwa kuwa na viongozi mbalimbali wa kiserikali, mashirika na wadau mbalimbali wa mazingira pamoja na wananchi waliozunguka maeneo hayo  wakiwemo watu wa Chome, Suji, Kirangare Vugwama, Bwambo Mpinji, Mamba miamba, Lugulu.

“Wengine ni wakazi wa Bombo, Vuje, Mbaga, ndungu, Kihurio, Gonja, Kisiwani  sehemu nyingi ambapo zaidi ya watu 10,000 watashiriki.

“Pia tunampongeza Mkuu wa Mkoa wa Kilimanjaro kwa kazi nzuri na njema anayoifanya natimu yake ya kunusuru msitu huo na kurejesha  uoto wa asili ya msitu wa Shengena.

“Pia tunatambua jitihada zinazofanywa  na Mbunge wa jimbo la Same Mashariki, Anna Kilango, ambazo  pia tumeona tuungane nae katika kampeni hiyo njema ya kulinda, kuhifadhi na kuokoa mstitu huo kwa vyanzo vya maji na maendeleo yetu,”alisema Makenya.

Alisema wamependa jitihada zinazofanywa na Serikali na wameamua kuwaunga mkono kwa matembezi hayo ya mazingira hasa katika msitu huo.

Alisema pamoja na kuwepo utajiri katika msitu huo lakini upo hatarini kupotea kutokana na uharibifu wa mazingira unaotishia uhai wa watu na viumbe hai kama ukataji miti ovyo, uchomaji moto uchimbaji wa siri wa  madini unaofanyika ndani ya msitu huo.

Alisema pia mito mikuu ambayo inaanzia Shengena ipo hatarini kukauka kama vile mto Nakombo, Hingilili, Yongoma,na Saseni ambayo hutegemewa kwa shughuli za kilimo katika bonde la Mkomazi ambapo ya ekari 20000 hutumia mito hiyo mikuu kwa kilimo cha mpunga.

Alisema lakini kwa sasa mashamba mengi hayalimwi kwa sababu ya upungufu wa maji unaofanywa na watu wachache wasiopenda maendeleo ya msitu huo na mito hiyo.

Share on Google Plus

About MWERA AMAZING

This is a short description in the author block about the author. You edit it by entering text in the "Biographical Info" field in the user admin panel.