MAAFISA WA UCHAGUZI WAACHILIWA MALI

Maafisa wa uchaguzi waliokuwa wametekwa nyara Kaskazini mwa Mali wiki moja kabla ya uchaguzi mkuu wa urais wameachiliwa huru.

Maafisa wanasema kuwa wafanyakazi hao walikamatwa Jumamosi katika eneo laTessalit wakati wakitoa kadi za kupigia.

Waasi wa Tuareg wanashukiwa kuwa wao ndio waliowakamata maafisa hao.

Hivi maajuzi Mali iliondoa sheria ya hali ya hatari iliyokuwa imewekwa tangu Januari wakati ambapo Ufaransa ilipoingili kati mgogoro wa kisiasa uliokuwa unakumba taifa hilo na kukabiliana na waasi waliokuwa wameteka Kaskazini mwa nchi.

Gavana wa jimbo la Kidal Kaskazini, Adama Kamissoko, aliambia shirika la habari la Associated Press kuwa wafanyakazi hao walikuwa wametekwa nyara na wapiganaji wa Tuareg.

 Waliachiliwa huru Jumapili na kuchukuliwa na wanajeshi wa Ufaransa waliowapeleka katika kambi ya Jeshi ambayo haiko mbali sana na eneo la Tessalit.

Kutoka BBC

Share on Google Plus

About MWERA AMAZING

This is a short description in the author block about the author. You edit it by entering text in the "Biographical Info" field in the user admin panel.